السؤال
|
وحتى السـؤال اللـي يخَنْـقَ الإجابـه
وش قيمته لاصار فـي قلـب الانسـان
|
|
مثلـي انـا تسـع السنيـن وسـرابـه
في عمق عمقي..ساطي الـروح خـذلان
|
|
مثلـي انـا والحـال مؤصـد ..وبابـه
مابين غمضة عين …ماصار ..ماكـان
|
|
الشخض مالـه غيـر ذيـك السحابـه
رضـا وليّـه ثـم ناسـه والاقــران
|
|
ولا اشتد بك موقـف ..واعلـن مهابـه
تلقى الصديق اللـي يجيلـك ..ولاتهـان
|
|
عينـه تحـوفـك بالبشاشه..برحـابـه
وده يحطـك فـوق رمشـه والاجفـان
|
|
هـذا الصديـق اللـي تحـس بغيـابـه
تحس فعـلا ان غيابـه ..لـه الشـان
|
|
تحـس انـك تـايـهٍ وســط غـابـه
برد ومطر ..ومن رعشه الجوف عطشان
|
|
تفقـده, تمسـح لوعـتـك والكـآبـه
بوحه وهمسه..صوته يملـي الاركـان
|
|
ملامحه,حسه,عـيـونـه, عـذابــه
محفـور كلـه بالصـدر منـذ ازمـان
|
|
لكـنّ فـي يـوم جاك..والوقـت جابـه
واقبلت كلك..يضحـك الوجـه فرحـان
|
|
سألـت عـن حالـه ..وحالـك درابـه
بـس الغريبـه يـوم صـدك ..بنكـران
|
|
لا القلـب قلبـه لا ..ولا شـي مـابـه
من ريحـه الاصحـاب \احباب\وخـلان
|
|
صــار يتلعـثـم بالـكـلام بغـرابـه
قـال ببساطـه اطونـي طـي نسيـان!
|
|
واقفـى يسامـر خطوتـه مـع ثيابـه
اقفى وسهمـه داخـل الـروح غرقـان
|
|
ليه؟السـبـب..بالله شـلّـي جـرابـه!
يغيـب عنك..والاجـابـه ..ولاتـبـان
|
|
وحتى السـؤال اللـي يخَنْـقَ الاجابـه
وش قيمته لاصار فـي قلـب الانسـان
|
