يابو محمد
|
يابو محمد جرحـي اليـوم ماطـاب
ماغير يآخذ من عيوني…عيونـي!
|
|
ماغير يفتح للردى سبعـه أبـواب
من كل باب وبـاب تكثـر طعونـي
|
|
يامسندي وقت الشدايد في الاحقـاب
ياعـز سـاره بالرخا..والمجونـي!
|
|
جاتك علوم مالها سـاس واطنـاب
وابليس سوا مابـدا لـه بهونـي!
|
|
يابو محمد هاك ..عمري بلاحسـاب
لو املكـه يااخـوي يفداك..دونـي
|
|
اقرا عيوني تعرف القول …ماخـاب
اقرا السنين الي مضت في شجونـي
|
|
اقرا طفولتنا مع الضحـك والعـاب
اقرا القلـوب الناصعـه بالمزونـي
|
|
ايااااام راحت ..عشتها من دفا احباب
وسطرت منها كـل قـافٍ ونونـي
|
|
ياخوي جيتك جرحي اليوم ماطـاب
ماغير يآخذ من عيوني …عيونـي!
|
حادثه بسيطه ..إن تكن كذلك !:)
من أحد أشقائي
فلم أجد إلا أن أعبر عنها ببضع كلمات
ولحن متواضع من الأستاذ( ثامر المنيع)
وقد كان لهذه عميق الأثر ..،،حتى إزدانت من بعدها أخوتنا
…فـ ليحفظ الله أشقائي جميعهم
ملاحظه خلل غير مقصود في أحد ابيات (الصوتيه):)
جرح..عنا
|
أسما طلبتك هاتي اليـوم …هاتـي
كل الجـروح الماضيـه والعصيـه
|
|
اسما عيونـي بعـد خلّـي غلاتـي
أسما الفرح في ضحكه الروح\ضيّـه
|
|
عنك همومك\واسمحي لـي بذاتـي
انـزف جروحـك والعنـا والاذيـه
|
|
جاني خبرها بعـد وقـت الصلاتـي
آلوووي(ساره)فيني عشريـن كيّـه
|
|
أختي علامك؟ وش حصل ياغناتـي
ردي الخبر واحساس عمري ياخيّـه
|
|
والله…مدري ..وش حصل في حياتي
فـي حينهـا كـن المنيـه \خويـه
|
|
أتـذكـره\أنـي \لبسته\عـبـاتـي
الحزن..الضيقـه جروحي\علـيـه
|
|
غير الدموع اللي جرت من ضماتي
شي بدا مـن خافـي القلـب بيّـه
|
|
اسبـوع كامـل اتالـم واحـاتـي
اسبوع وانـا فـي متاهـات سيّـه
|
|
الله يجيرك مـن عـذاب الشكاتـي
ويسلـم فـؤادك .يابيـاض البريـه
|
قلتها في اختي حين دخولها المستشفى
